4. februar 2006 blei Norges ambassade i Syria brent ned av rasande demonstrantar. To dagar seinare skaut norske soldatar mot ei truande folkemengd i Afghanistan. Demonstrantane hevda at dei protesterte mot karikaturar av profeten Muhammed. Men er det sant at uroa skyldtest såra religiøse kjensler utløyst av nokre teikningar i eit land langt borte?
I boka Dei fordømte karikaturane viser Odd Isungset korleis religiøse og politiske makthavarar i Egypt, Syria, Iran og Qatar brukte karikaturstriden for å sikre eiga makt. I ei dramatisk dag for dag-forteljing skildrar han korleis aktørane handla, og resultatet er oppsiktsvekkande.
Forfattaren har fått tilgang til fortruleg kommunikasjon mellom Utanriksdepartementet og dei norske ambassadane da krisa råka, og nyttar dokumentasjon som ikkje tidlegare har vore kjent. Den angrande danske imamen Ahmed Akkari fortel om reiser til Midtausten med teikningar som aldri hadde vore publisert i Danmark, og om hemmelege møte med Hamas og Hizbollah.
20 år etter at teikningane først ble publisert, får vi ei ny forståing av saka og av kven som har ansvaret for at situasjonen spant ut av kontroll. Vi får også ny innsikt i kor hardt pressa utanriksminister Jonas Gahr Støre og Magazinet-redaktør Vebjørn Selbekk var under striden.
«… et nyansert og samtidig tydelig bilde av hvordan religiøse makthavere pisket opp stemningen for å sikre egen posisjon, og at norske politikere og redaktører gikk rett på limpinnen. Mye av det Isungset skriver om, er allerede kjent, men det gjør inntrykk å få det presentert i sammenheng. (…) Dei fordømte karikaturane er simpelthen et glimrende arbeid. Isungset har stålkontroll på samtlige handlingstråder, og han stoler på at leseren henger med i svingene, slik at han så godt som aldri behøver å gjenta informasjon unødig. Han mestrer den historiske presensformen, og klarer til og med å supplere den med egne minner uten at det oppleves forstyrrende.» Johanne Elster Hanson, Morgenbladet
Omtaler
Det er ingen omtaler ennå.