Stadnamn på vestre Hardangervidda

Stadnamn på Vestre Hardangervidda byggjer på ei hovudoppgåve i nordisk som Botolv Helleland leverte inn ved Universitetet i Oslo hausten 1970. Denne boka er ei omarbeidd utgåve av den opphavlege teksten. Ho omtalar rundt 2500 stadnamn, og er illustrert med mange bilete som viser korleis namngjevarane har gjeve fjellnaturen rom i språket. Botolv Helleland, f. 1940 i Ullensvang, er ein av dei fremste formidlarane av stadnamn i Noreg. Han var tilsett som namnegranskar ved Universitetet i Oslo 1972–2020. Han var òg statleg namnekonsulent 1984–2020. Erlend Trones, f. 1980 i Ullensvang, arbeider i Kartverket som stadnamnansvarleg for region vest. Han var sekretær for Ullensvang bygdeboknemnd i 2010–2016, der han òg var redaktør for bandet om stadnamn. Trones er formann i Hardanger folkeminnelag. Boka er utgjeven i samarbeid med Hardanger folkeminnelag. Laget vart skipa i 1973, og gjev ut bøker om folkeminne og lokalhistorie frå Hardanger.